影片
更多
2017-12-17
741 浏览
四季文昌，呢4个字你会谂起d乜？点谂应该都谂唔到，佢系一间Bar + 火㶽餐厅啦又潮又文青既室内环境，由入门口开始就有种好舒服既感觉，餐厅用投影机播住广东歌+K pop既歌及MV，食住餐厅最新推出既冬日套餐，真系惊喜处处，绝对系一个打边炉既新体验由正门沿楼梯上餐厅，从环境已经感受到佢既用心设计，有种温暖舒服文青feel，绝对系一个打卡位入到黎餐厅，只系个环境都已经几惊喜因为第一感系，餐厅一路播住eason既歌，个环境又好chill，灯光又暗暗地，真系搞到我好肚饿不过重点系，见到餐厅最新推出左一个冬日限定既火锅套餐，有2-3人份量/6-8人份量，不过2-3人份量既内容都已经好丰富! 当2个人食，除返个价钱都系唔洗每人$250 ! 一定食到你饱之余，惠顾呢个餐，餐厅重会送你一份神秘既圣诞礼物添 真系又满足，又有好温暖既圣诞气纷!宜家就即同大家介绍下呢个套餐既内容啦第一样要先介绍既就系呢个套餐其中一个主打，佢就系 : 原味椰子文昌鸡 (半只) !! 佢唔系一个汤底黎既，而系一个主配料之一，但作为第一道既配料落锅，呢只鸡真系冇得顶! 因为当中既椰子及椰子水非常清甜，食佢亦都有一定既程序，非常讲
由正门沿楼梯上餐厅，从环境已经感受到佢既用心设计，有种温暖舒服文青feel，绝对系一个打卡位
入到黎餐厅，只系个环境都已经几惊喜因为第一感系，餐厅一路播住eason既歌，个环境又好chill，灯光又暗暗地，真系搞到我好肚饿
不过重点系，见到餐厅最新推出左一个冬日限定既火锅套餐，有2-3人份量/6-8人份量，不过2-3人份量既内容都已经好丰富! 当2个人食，除返个价钱都系唔洗每人$250 ! 一定食到你饱之余，惠顾呢个餐，餐厅重会送你一份神秘既圣诞礼物添 真系又满足，又有好温暖既圣诞气纷!
12 浏览
0 赞好
0 留言
宜家就即同大家介绍下呢个套餐既内容啦
第一样要先介绍既就系呢个套餐其中一个主打，佢就系 : 原味椰子文昌鸡 (半只) !! 佢唔系一个汤底黎既，而系一个主配料之一，但作为第一道既配料落锅，呢只鸡真系冇得顶! 因为当中既椰子及椰子水非常清甜，食佢亦都有一定既程序，非常讲究! 只鸡黎到之后，店员会帮手用枱面既沙漏计时，煮呢只鸡只需系指定所需时间内，因为咁先确保只鸡唔会煮过火，成个锅都系火喉之中
7 浏览
0 赞好
0 留言
果然!! 时间到左，一打开个锅就闻到非常香既椰子味 !!汤仍然清澈唔油腻，绝对同平时阿妈煲既果D鸡汤冇咩分别，真系要饮多几啖 !!鸡件食落非常嫩滑，明显食得出时间真系控制得岩岩好，总括而言真系清甜滋润啖啖肉!!
7 浏览
0 赞好
0 留言
(左) 小食: 海南沙姜脆猪手
呢个其实可以讲系呢个套餐既小食黎，非常特别佢爽口弹牙，肉质唔"UN"，一共有6大旧，每旧都沾有沙姜，骨胶原丰富，女士及上左年纪既朋友一定喜欢
(右) 小食2 : 三文鱼刺身
我都视佢为一款小食之一，因为佢既数量系每人4块 (食左4块先记得影)，系餐厅由加拿大直送的三文鱼黎，每块都真系几新鲜架
8 浏览
0 赞好
0 留言
今晚小编同友人决定食好d又食豪d所以额外加左呢个 $188 雪浓牛骨汤配牛肉拼盘图中所见既就系雪浓牛骨汤，其实差唔多食完只鸡既时候，正常店员会为你加普通既汤，不过如果你额外加左好似呢个禁，当然就会加呢个汤啦
非常香浓既牛肉味及精髓，完全系为食黎紧既上等牛肉做准备
4 浏览
0 赞好
0 留言
再先为大家介绍套餐入面既一D精髓先!
左上方: 海南手工丸
分别有2款丸，白色果只丸系墨鱼丸，非常爽口弹牙，就算放落锅度煮熟后，上面既蟹子都重系度，好正另外灰色果只系贡丸，每粒入面都包有唔少香菇，所以每粒都好好味，好有口感
左下方: 健康野菜篮
呢个篮特别要加分既真系因为佢一D都唔马虎，唔只一种蔬菜及好新鲜之余，佢既份量亦好多！
中下: 养生菇菌篮
同样禁正！因为。。。有小编打边炉最like既菇！就系鸡脾菇啦
右上，下: 日本稻庭乌冬
从口感，面质，味道可知呢只系相对贵价既乌冬黎，本身就已经有非一般既质素不过重劲既系，由于乌冬完全吸收晒汤底既精华及味道！所以变得更加好味
都要特别赞一赞既系，由椰子鸡汤，再到加入雪浓牛骨汤，整个汤底都系重点，都系非常好味，所以直接令到所有食材都好好味
2 浏览
0 赞好
0 留言
第一个牛会系跟餐既安格斯牛小排 (小)，颜色雪白，脂肪分布平均，涮一涮就食得，口感入口即溶，总之高质！真系跟餐既都已经好正！
3 浏览
0 赞好
0 留言
真系没有最豪，只有更豪今晚另外都系额外加添既食物之一，日本山形A5和牛肉眼 $398头先既安格斯已经无得顶，但呢个真系不得了，确实系正宗一分钱一分货！
超大块既和牛肉眼，脂肪分布平均，颜色鲜艳，相当新鲜涮一涮就食得！就算熟左，佢都唔会严重缩水，口感一绝呀！
4 浏览
0 赞好
0 留言
佢就系雪浓牛骨汤所配既牛肉拼盘，当中同时包括油脂鲜美既黑毛和牛肩胛肉及爽到不得了既加拿大牛舌
6 浏览
0 赞好
0 留言
野食就介绍完啦！系咪好正先不过饮品方面，其实餐厅既选择有好多，甚至有酒精类既添不过小编真系要高度推介椰青比大家！佢系椰青，非椰皇由于餐厅由海南岛严选直送椰青到港，所以佢系甜到不得了，真系非常清甜！
果种甜绝对唔糖水 / 果糖既果d甜，系真系椰青水既果d清甜真系用黎配合打边炉，又可以无禁热气，又解渴！
最后最后，原来套餐果份神秘既圣诞礼物就系佢佢系四季文昌自家制既名信片及一套调味罐有圣诞气纷得黎又实用，都几有惊喜既
所以，呢个冬日套餐确实真系值得一试，打一次边炉系有惊喜，有新体验，又温暖窝心，最紧要系好好食既 (记得卜位呀！)
张贴
