薩莉亞意式餐廳 (悅來坊) (已結業)

我果日叫左个明太子意粉、肉酱多利亚、水牛芝士pizza、脆脆虾同埋饮品。首先系明太子意粉，碟意粉拎上枱时虽然见唔到d明太子，净系见到好多鱿鱼，但其实明太子系底下，所以食之前一定要捞晕先好食。之后系肉酱多利亚，肉酱同芝士嘅份量一d都唔少，每一啖都食到，我每次黎都必点。跟住系水牛芝士pizza,成个pizza只有芝士同埋少少嘅蕃茄酱，食落个皮都几脆。再黎脆脆虾，脆脆虾嘅皮好薄，送上黎时会俾埋沙律酱，d沙律酱酸酸地，送上黎之后即刻食先好食。最后系12蚊嘅任饮，饮品嘅种类唔算少，热同涷都有，仲有个冰柜可以自己加冰，不过d杯就唔算干净。总括来讲，好食，上菜速度快。