包羅萬有(萬友)火鍋 (已結業)

我好钟意打边炉😋呢日同朋友响铜锣湾行街，经过呢间「包罗万有」任食打边炉。见到都唔错，价钱又平，只系$150！！又见到晚餐时间，一于去试吓😋上到去餐厅，环境都唔错，地方阔落。坐低之后，见到原来系一人一锅！尤其依家疫情，一人一锅真系唔错👍🏻👍🏻汤底都好多选择，我拣咗正宗越式牛骨汤。而我朋友楝咗温补椰子鸡汤。每款汤底都好足料，正宗越式牛骨汤入面好多牛肉同白萝卜，味道清甜，牛肉意想唔到既嫩，因为通常已经肴到会干柴，但系呢个唔会👍🏻。而我朋友既椰子鸡汤滚起既时候就传出好大阵椰子鸡味，超香😍每一位都会附送一碟虾，d虾唔错，鲜甜，肉质爽脆😋，另外，全部食物都要出去食物区到自取，每款食物都放响雪柜度以保持新鲜👍🏻食物款式都有几多：猪丶牛丶鸡丶羊丶蚬丶牛柏叶丶猪红丶丸丶鱿鱼丶多款蔬菜等，仲有热食同唔同种类嘅饮品。每款肉类都唔错，都几嫩滑👍🏻。而蚬肉仲好饱满😋同好大只😆食完之后梗系要食个甜品黎完结今餐啦🤣，我「笔」咗芋头味同朱古力味嘅雪糕😋食完之后真系好满足😌