泰玖

营业中

休息中

之前见ViuTV节目「准时开饭」曾经介绍过餐厅，今日终于有机会去荃湾一试佢哋嘅美食。餐厅楼高两层，空间宽敞，装修走工业风。餐厅亦有做午市套餐，CP值高，抵食夹大件，食物的定价贴地。间唔中去食晏都系一个唔错嘅选择，只可惜唔系附近返工。讲返食物，泰玖金砖蒜蓉包烘得金黄香脆，蒜蓉味香浓，店员都提醒我影相打卡要快，因为要趁热食先至好味。泰式拼盘有炸鸡翼、鸡卷、虾饼同鱼饼。鸡翼切开咗成单骨，食起上嚟方便多。全部都新鲜炸起，香脆唔肥腻。泰玖招牌蟹肉煎蛋卷，煎得香香热热嘅蛋卷，里包住超多嘅蟹肉，面头再加上蟹柳碎同蟹籽，口感满满。泰式马拉盏炒椰菜苗，炒得好香，菜苗嫩、口感爽。而且份量都好多。食物份量大到想叫多个粉面都唔惊食唔哂。所以最后直接叫个甜品。泰式芒果糯米饭、饭够哂软糯温暖，味道好平衡好好味。菠萝活性乳酸菌屎乐冰，成支益力多混落去嘅沙冰饮品，所以充满益力多嘅味道，而且同菠萝好夹，既消暑又解渴。