CHIMAC (大埔超級城) (已結業)

叫咗个二人特攻炸鸡盒，套餐包括炸鸡X2、小食X2、迷你饭X2同饮品X2；炸鸡我哋拣咗炸鸡腿肉，贪佢冇骨够方便。原味炸鸡炸鸡外脆内嫩，炸粉唔会太厚，鸡肉嫩滑，腌得好入味。葱蒜酱油炸鸡本身重担心啲汁会唔会令炸鸡变腍，但拎到返屋企都重系脆卜卜酱油味甜甜地噉，令到成份炸鸡嘅口感同味道都更丰富。 韩式牛肉饭 牛肉嘅份量都几多，肉质软嫩。泡菜猪肉饭辣辣地，够惹味。炸紫菜卷紫菜入面包住啲粉丝，又几好食㖞。鱼糕串经典嘅韩式街头小食，一份有四串，弹牙有咬口。忌廉鲜奶、芦荟乐重有两罐饮品，食完真系劲饱，百七蚊有咁多嘢食，呢个餐都几抵。