又一戟 (已結業)

人人都话去得葵广就要食佢，系葵广必食之一，咁啱得闲咁就去试吓啦！简简单单叫咗个芒果pan cake。由于系即叫即整，而且都好多人排队食呢间，都等咗一段时间先有得食。Pancake嘅成份好简单，上面系cream，加啲朱古力酱，下面再有啲芒果粒，再下面就系雪糕。拣咗芒果味雪糕，雪糕软绵绵，几滑，都几有芒果味，几香。同埋芒果雪糕嘅份量都唔少。食到底都有。佢个pancake都有蛋香，新鲜整起确实几好食。店家都贴心咁包多张纸巾，食晒就可以用埋，又唔太怕整污手。