燒肉801

营业中

休息中

好耐無黎食燒肉，發覺服務質素好左喎～例牌必食嘅801盛 150g，大判燒、腹前牛小排、蔥鹽味雞腿肉，加$38泡菜同細冷麵，店員都好落力建議食法同教個爐點用。大判燒真係無得彈嘅～喺日本食嘅高級牛都差不多口感，好軟好嫩，牛小排咬落仲有油香，岩哂包生菜食。呢度係仲抵食過日本高級燒肉，2百幾蚊已經有哂咁多樣野。雖然前菜選擇唔多，但係剛剛個冷麵，涼伴三點盛同801沙律都足夠中和燒烤嘅滯膩感，叫哂都唔貴。另再叫厚切煙腩肉同九州雞脛柳，唔知點解係比平時食嘅雞有雞味同有彈性質感。泡菜牛肉湯有韓式feel，少少辣多牛肉同蛋花，都好唔錯。