基隆茶餐廳 (已結業)

新年紧系最啱食盆菜啦，贪佢盆满砵满好意头嘛！好彩朋友系出雪姨事件之前已经订左基隆既盆菜，如果唔系真系冇机会食到呀！不过可能基隆个边太忙啦，朋友谂住send个msg去confirm送货时间但冇人覆，但系都准时送到左！虽然盆菜入面既食材都系熟既，但记得要完全加热哂先好食！我地落左附送既南乳汁入去，一边加热一边闻到阵阵香味，令人流哂口水！盆菜份量好多，有齐足足十六款食材！贵价既食材有大虾、冬菇、鲍鱼仔、蚝豉、辽参同发菜。大虾好大只，食落鲜甜弹牙，而鲍鱼仔、蚝豉同辽参就细啲，但味道都唔差，至于冬菇索哂啲南乳汁非常好食，最重要既系发菜，份量多架，不过发菜始终唔系咁环保大家少食为妙啦。肉类就有切鸡、炆腩仔、猪皮、烧鸭、鱼蛋。最中意既系烧鸭，除左啖啖肉之余，仲真系食得到鸭皮有阵阵烟熏既香气，食得出系用心之作！素菜方面，就枝竹、香芋、白萝卜、豆卜、西兰花。香芋超级粉，劲香口，好好食，不过要快啲食完如果唔系成个煲都会变到好杰。白萝卜清甜冇根，加埋啲南乳汁又系好好食。豆卜够软身，索埋啲汤汁我觉得系最好食既野！其实一直都听过其他人讲基隆既野食唔差，希望疫情之下大家都多啲帮衬小店啦！