Main1938cafe (已結業)

今日有新发现，原来旺角新之城都有平靓正嘅西餐食，就是这间Main1938Cafe！佢哋一个lunch set都系$70 ，份量唔少，行开旺角有想静静地食嘢，绝对系一个好选择。我叫咗set lunch, 餐汤系松露蘑菇忌廉汤，味道非常好，里面充满蘑菇蓉，好饮。主菜点了锅烤法国春鸡及纽伦堡肠配烩烟肉青豆：法国春鸡烧得好味，个屁好脆、金黄色，纽伦堡肠味道都唔错，呢道菜啱晒我啲食肉兽。碗碟仲有好多青豆、香煎薯仔、烟肉，个汁都好夹春鸡同纽伦堡肠。桂花龙眼乌龙真系有好多粒龙眼肉同桂花碎，味道清甜，带有阵阵桂花香。我哋另外加钱叫左蛋糕，基本上两个蛋糕都超好味。绿茶慕丝蛋糕非常松软，小小creamy，中间又有果肉，伴碟的士多啤梨又大大粒，好好食呀！双色朱古力慕丝蛋糕都好出色，慕丝非常香滑，朱古力味香浓，一样有几粒大大粒嘅士多啤梨。你要我拣边只蛋糕好食啲，我会话打和啦， Super ！