常嚐食•深燒堂 (已結業)

今日去睇完玩具，想去食烧物，行过呢条街，见到呢间串烧店，咁就入去试试佢。花甲粉第一次食呢样食物，蚬肉鲜甜够肉地，汤汁蒜香味浓，好食。鱿鱼烧得刚好，微焦烟靭，特登无拣到额外酱汁，都够味。牛仔骨估唔到佢份量十足，牛味好够，肉质淋滑，锁住肉汁，不错。免治骨棒市面较少见既肉串，本身已经好食，外脆内软，还配上蛋更显特别。推荐。安格斯牛粒牛味浓郁，生熟度恰好。翠玉瓜清甜多汁兼厚身鸡腿肉肉身好滑，鸡皮微焦，好味，送酒一流。