Croissant Taiyaki

营业中

休息中

好耐无食鲷鱼烧，今日特登黎Sogo呢间Croissant Taiyaki买，上次食都仲系18蚊，而家加到20蚊一条。口味有4款，除咗朱古力，我每样要左1条。服务员用纸包住每一条鲷鱼烧，然后用个胶袋装住比你，非常之唔美观。抹茶鲷鱼烧其实呢度用左法式牛角包酥皮黎整成鲷鱼样，入面包住唔同馅料。上手系唔暖，不过好彩系唔影响口感。鲷鱼烧外部系非常之薄脆而酥化，非常香口。而中间部分咬落去就带点烟韧，加埋馅料就够特别。抹茶味虽然呈绿色，不过抹茶味唔太出，我钟意呢个抹茶馅唔会太硬或干。红豆鲷鱼烧就稍微同酥皮唔够融为一体。吉士打鲷鱼烧就最差，唔够滑溜。食完都有油腻感，不过真心酥皮系好好食，又脆又香口中带烟韧，呢个口感其他地方少食到。呢个价钱食到呢个口感都算系可以呀。