31
11
8
等级4
220
0
2014-01-19 5431 浏览
high tea set for 2 $156 (+10%service charge)(好食指数: 7/10)21-12-2013呢个high tea系晋荟同稻两间餐厅合作,crossover左中西日。上层首先系熟虾寿司、烟三文鱼寿司,两款寿司都唔需要沾wasabi,上面加上蟹籽,中间包有青瓜条丰富层次感。侧边有米芝莲星级餐厅阿鸿小吃既卤水鹅肝配法包,鹅肝煎香左少少,好入味,加上法包烘得脆脆地,有埋沙律酱蕃茄仔洋葱既配搭,好有惊喜。第二层就系帝苑饼店特制既6款甜点,分别有蓝莓cheesecake、蓝莓tart、、芒果朱古力蛋糕、raspberry tart、芒果tart 、朱古力榛子蛋糕。每款甜点水准都唔错,不过略嫌唔够帝苑平时做既蛋糕咁精致。最底一层系芋泥酥、驴打滚、日式红豆饼。芋泥酥好烟韧,表面酥皮再脆会更好。驴打滚其实系好似红豆糯米糍咁,皮几薄而红豆蓉就有少少甜,唔错既中色甜品。红豆饼就比较干身同厚,算系比较失色之作。整体来说,揾黎唔同顶级店舖做crossover中西日多种款式,实算诚意之作,虽然较少咸点,但以呢个价钱实在值得一试。high tea set只限星期六、日及公众假
更多
high tea set for 2 $156 (+10%service charge)
(好食指数: 7/10)
21-12-2013
161 浏览
0 赞好
0 留言
呢个high tea系晋荟同稻两间餐厅合作,crossover左中西日。
上层首先系熟虾寿司、烟三文鱼寿司,两款寿司都唔需要沾wasabi,上面加上蟹籽,中间包有青瓜条丰富层次感。侧边有米芝莲星级餐厅阿鸿小吃既卤水鹅肝配法包,鹅肝煎香左少少,好入味,加上法包烘得脆脆地,有埋沙律酱蕃茄仔洋葱既配搭,好有惊喜。
第二层就系帝苑饼店特制既6款甜点,分别有蓝莓cheesecake、蓝莓tart、、芒果朱古力蛋糕、raspberry tart、芒果tart 、朱古力榛子蛋糕。每款甜点水准都唔错,不过略嫌唔够帝苑平时做既蛋糕咁精致。
最底一层系芋泥酥、驴打滚、日式红豆饼。芋泥酥好烟韧,表面酥皮再脆会更好。驴打滚其实系好似红豆糯米糍咁,皮几薄而红豆蓉就有少少甜,唔错既中色甜品。红豆饼就比较干身同厚,算系比较失色之作。
整体来说,揾黎唔同顶级店舖做crossover中西日多种款式,实算诚意之作,虽然较少咸点,但以呢个价钱实在值得一试。high tea set只限星期六、日及公众假期。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2013-12-21
用餐途径
堂食