影片
更多
2023-03-12
915 浏览
呢间起厚福街开咗好耐，间唔时有见身边朋友post instagram story，可以自己煎汉堡扒，玩得又食得几过瘾👩🏻🍳除咗汉堡扒套餐之外，依家仲有二人套餐，有五个唔同组合俾大家拣叫咗个1号二人餐，比起单叫抵食好多！▶️ 鸡蛋和牛汉堡扒 (中)卖相好新奇得意，一大个铁板上面打咗只蛋，中间有一大嚿圆辘辘嘅生免治和牛汉堡 (160g)等住你去烧可以按自己喜好用铁铲切出想烧嘅汉堡扒size，跟住放上石烧🔥轻轻力按10秒再反转就ok啦！个人钟意薄烧，口感正啲；厚烧就会再juicy啲，可能做到半生熟效果原来都好考技巧🙈唔小心放耐咗就㶶咗，但系㶶咗嘅口感唔错，食落脆口，系冇咁健康同少少苦啰～🐂 用上100%澳洲和牛汉堡扒，肉质细致而完全唔韧，放入口仲充满油脂，好juicy，朋友形容为「入口即溶」 (不过食食吓觉得佢少少油腻🫢一路煎，啲油不断渗出)牛味唔算好突出，少少都有嘅🤏🏻啱晒我呢啲本身唔系特别钟意食牛嘅人🧂汉堡扒本身已经有味(应该有调过味)不过我都有点豉油食，因为佢个豉油唔系好浓味，盐就冇点面头仲有啲青葱丝，令佢煎起上嚟香啲🍳下面嘅鸡蛋基本上好快熟咗，本身冇咩味道，口感上边边位少香脆而中间就
除咗汉堡扒套餐之外，依家仲有二人套餐，有五个唔同组合俾大家拣
叫咗个1号二人餐，比起单叫抵食好多！
▶️ 鸡蛋和牛汉堡扒 (中)
卖相好新奇得意，一大个铁板上面打咗只蛋，中间有一大嚿圆辘辘嘅生免治和牛汉堡 (160g)等住你去烧
可以按自己喜好用铁铲切出想烧嘅汉堡扒size，跟住放上石烧🔥轻轻力按10秒再反转就ok啦！
鸡蛋和牛汉堡扒
46 浏览
0 赞好
0 留言
个人钟意薄烧，口感正啲；厚烧就会再juicy啲，可能做到半生熟效果
原来都好考技巧🙈唔小心放耐咗就㶶咗，但系㶶咗嘅口感唔错，食落脆口，系冇咁健康同少少苦啰～
🐂 用上100%澳洲和牛汉堡扒，肉质细致而完全唔韧，放入口仲充满油脂，好juicy，朋友形容为「入口即溶」 (不过食食吓觉得佢少少油腻🫢一路煎，啲油不断渗出)
牛味唔算好突出，少少都有嘅🤏🏻啱晒我呢啲本身唔系特别钟意食牛嘅人
🧂汉堡扒本身已经有味(应该有调过味)不过我都有点豉油食，因为佢个豉油唔系好浓味，盐就冇点
面头仲有啲青葱丝，令佢煎起上嚟香啲
🍳下面嘅鸡蛋基本上好快熟咗，本身冇咩味道，口感上边边位少香脆而中间就spongy啲，建议趁早起佢半熟嘅状态度食
▶️ 芝士蛋和牛汉堡扒 (中+$8加大）
同上面一模一样，只系多咗芝士🧀放起石烧到自然开始同汉堡扒融为一体
朋友觉得芝士可有可无，可能因为芝士味道唔特别浓，同埋汉堡扒本身好够味
▶️ 忌廉芝士沙律
新鲜嘅沙律菜上面放咗几块面包同一啲cream cheese，然后洒上granola
🥗沙律菜几新鲜，配上柚子味醋汁，味道甜甜地又唔酸，十分之开胃
沙律菜加granola都系第一次试~granola本身脆卜卜，呢个组合有几得意㖞
忌廉芝士沙律
40 浏览
0 赞好
0 留言
Cream cheese味道唔太「芝士」，味道甜甜地，质地好creamy好似牛油咁，攞咗嚟搽面包食
可惜面包唔太好食🍞又唔脆又唔软熟😅仲要小心佢浸咗落底部嘅沙律酱汁会湿
朋友好醒目咁攞咗去石烧板烤返脆😂都系一种补救方法嚟～
▶️ 白饭x2
碗白饭都几大，一定够𩠌汉堡扒食🍚
饭嘅口感唔错，用上珍珠米，好饱满
我仲攞咗泡菜捞饭食😌因为佢啲泡菜完全唔辣而够咸，咬落好爽脆
▶️ 面豉汤
明显系用粉沟出嚟，味道颇咸，但非常浓味
▶️ 饮品-罐装乌龙茶
可以帮助消滞🙈haha
-
难怪系汉堡扒专门店，用嘅汉堡扒系靓料👍🏻最好系成个过程可以自己烧，玩得开心之余又可以按自己味道喜好熟度，有flexibility喺度，令每啖都食得满意
值得一赞系佢服务超好，全部后生仔女，个个都好有礼貌☺️又会教你点样烧，又会主动帮你换石板，仲会提你唔好放咁耐如果唔系会㶶 (虽然成日会唔记得）
上菜又快手，手机落完单转个头就上
舖头本身唔算好大，但可以容纳到唔少食客，坐落舒服，感觉唔压迫
不过二人套餐太丰富，张枱唔够放，最后个沙律放咗喺隔离😂
每个位置都有个独立抽气位 (要对准先会抽得好，会见到啲气好似包住嚿肉咁吸咗入个管道)💨加上舖头通风系统好，食完唔会成身油烟味或成面油
全部嘢大大份足料，又有沙律，又有饮品，又有汤，平均$180/人，性价比算抵食
想同朋友出去食，但又唔想净系坐喺度倾偈，绝对可以考虑来「玩」吓，算易上手，煎多几块汉堡扒就变高手😎
唔想烧都可以叫丼饭，同样享受到和牛
⚠️提示：小心煎牛扒嘅时候啲油会弹出嚟，可能会辣到，或者整污糟白色衫
张贴
