DKLM Bar & Restaurant (已結業)

作为神徒，星期六去咗尖沙咀影教主块巨型广告牌😍。由于唔知要排几耐，所以无一早揾定食乜。搞掂之后喺Openrice睇下附近有乜订枱优惠，就比我发现咗「DKLM Bar& Restaurant」。经网上订枱可享折扣优惠，下午茶时间更低至55折。不过店员话餐厅现时都做紧午市套餐6折嘅著数推广(Chef Special除外)，计落真系好抵食㖞🤪。黑松露巴马火腿薄饼并火箭菜($98)，🍕薄饼几有惊喜㖞，薄饼坚薄，又香又脆，大大减低咗饱滞感，有啲似食紧饼干。同时，配料方面亦处理得好好，🥓巴马火腿咸香十足，佢同黑松露酱及火箭菜好夹，加埋茄酱底，每啖食都感觉丰富。意式肉酱意粉($88)，🍝意粉造型比较普通，佢并非拎去焗制，所以好澎湃嘅拉丝芝士效果欠奉，相反以芝士粉取替。不过味道系水准以上，面条采用扁意粉，口感几好，有嚼劲。肉酱份量多，入味够多汁，所以整体食落唔会干身。椒盐脆炸花枝丸($48)，餐牌写一客得四粒，但出到嚟有五粒，好似赚咗咁😛。大大粒花枝丸炸到金黄色，质感爽弹，外皮酥脆之余，仲洒上椒盐，非常惹味，成个感觉好似台湾夜市小食🦑。由于系酒吧，餐厅晏昼都会为客人送上一大杯虾片🍤。总括嚟讲，如果行经