影片
更多
2024-11-28
3377 浏览
之前同朋友嚟过呢度食火锅，觉得唔错。今次就带埋老公同佢啲朋友一齐食吓饭，倾吓计，聚吓旧。餐厅位置方便，约朋友食饭好就脚。餐厅环境干净，自助形式，任饮任食放题。肉类、饺子类同炸鱼皮等可用QR落单，其余火锅配料都可在外面自取。而火锅配料种类多，摆放整齐，每款都用盖盖好，干净整齐，好企理。餐厅做紧三重赏，只要影职员指示图片，然后在社交平台share比朋友，就会有鸡煲同黑毛素肚无限追加，另外仲送顶级和牛拼盘。火锅汤底可鸳鸯汤底或中式汤底，如选鸡煲就食完直接加汤打边炉，两选一。而我哋就拣先食鸡煲，再用鸡煲精华打边炉。如果怕油，职员可以帮忙换清汤。鸳鸯田鸡麻辣鸡：份量多，四人份量系全鸡只，而田鸡用鸡煲煮法都系第一次食叫左BB辣。田鸡够嫩，有少少辣劲惹味，连朋友唔食得辣都话好好味。刺身拼盘：卖相几靓，有三文鱼、希灵鱼、立鱼、甜虾、赤贝、蟹柳、螺同鲍片等，虽然系火锅店，但味道同素质都几ok。黑毛素肚：少有火锅店配料，佢系用魔芋制成，低热量同零卡路里，口感爽口，佢吸晒鸡汤煲汁精华，好好食，仲可以无限追加，正！鲍鱼海鲜船：海鲜种类多，鲍鱼同大虾好生猛，仲郁架。另外仲有蛏子、带子、生蚝、龙趸片、珊瑚蚌同几款
餐厅位置方便，约朋友食饭好就脚。餐厅环境干净，自助形式，任饮任食放题。肉类、饺子类同炸鱼皮等可用QR落单，其余火锅配料都可在外面自取。而火锅配料种类多，摆放整齐，每款都用盖盖好，干净整齐，好企理。
餐厅做紧三重赏，只要影职员指示图片，然后在社交平台share比朋友，就会有鸡煲同黑毛素肚无限追加，另外仲送顶级和牛拼盘。
火锅汤底可鸳鸯汤底或中式汤底，如选鸡煲就食完直接加汤打边炉，两选一。而我哋就拣先食鸡煲，再用鸡煲精华打边炉。如果怕油，职员可以帮忙换清汤。
鸳鸯田鸡麻辣鸡：份量多，四人份量系全鸡只，而田鸡用鸡煲煮法都系第一次食叫左BB辣。田鸡够嫩，有少少辣劲惹味，连朋友唔食得辣都话好好味。
刺身拼盘：卖相几靓，有三文鱼、希灵鱼、立鱼、甜虾、赤贝、蟹柳、螺同鲍片等，虽然系火锅店，但味道同素质都几ok。
黑毛素肚：少有火锅店配料，佢系用魔芋制成，低热量同零卡路里，口感爽口，佢吸晒鸡汤煲汁精华，好好食，仲可以无限追加，正！
鲍鱼海鲜船：海鲜种类多，鲍鱼同大虾好生猛，仲郁架。另外仲有蛏子、带子、生蚝、龙趸片、珊瑚蚌同几款蚬类。朋友话好抵，每位加50蚊就有咁多嘢食，出面买都唔止。而海鲜size全部都好大，新鲜，食落够甜够鲜味，朋友一路食，一路赞。
顶级和牛拼盘：朋友话见到已经好想食，和牛有五款，手切封门柳同极上同牛板腱就比较厚身同瘦；严选牛肩胛同和SRF牛肉眼脂肪分布均匀，安格斯牛小排脂肪就比较多少少。整体和牛味道较浓，有口感，就算赠送都唔会话马虎，真心觉得几好。
火锅配料：食完鸡煲、刺身拼盘、鲍鱼海鲜船同顶级和牛拼盘都已经好饱，见到菜都几好，我哋都食左少少。
甜品：有本地品牌雪糕、马来西亚榴梿雪条同黑糯米雪条，仲有糯米糍，样样食d，好满足。
张贴
