Savor Kitchen

营业中

休息中

永光中心已经系我食饭list top rank，餐厅高质价钱平呢。好似今晚食fine dining，价钱唔过$300/人，就是抵～我地两个人，刚好可以食哂成个餐嘅options。前菜之一，好考刀功嘅日本章红生鱼薄片，source系由柠檬皮、九层塔，芫茜油、意大利白醋、初榨橄榄油调成，食落香滑同鲜味。另一款前菜系手拆蓝蟹肉多士，爆多蟹肉同用龙虾蛋黄酱、柠檬等等调嘅酱汁，超满足！对我黎讲呢个餐抵食在，可以讲系包左两个主菜，一个系Spaghetti ，一个系肉。香蒜意粉只只蚬都肥美juicy，白酒煮加少少蒜、香辣嘅意粉爽身又好味～另一个粉嘅青酱加左Blue cheese，有啲creamy，所以挂汁好好，炭烧三黄鸡胸亦唔算「孩」，有香炭烧味。两种肉上台竟然有艺术感，个source讲究，用法葱、柠檬果茸、西洋菜汁调，颜色鲜艳亦好配衬三文鱼柳。由第一道菜开始就期待。一如预期，炭烧西冷好juicy好香炭火味，薯蓉香滑嘅～到上甜品，无谂过$298餐可以有咁大件Tiramisu，超预期，好浓郁嘅湿润咖啡酒同香滑芝士味。新开暂时唔系太多人知呢间秘窦，唔迫人，会encore。