影片
更多
2021-03-30
2428 浏览
唔试唔知咁好食！趁住天气未系太热，就赶快嚟池畔餐厅食咗先，因怕太热坐室外会热到食唔到。但其实餐厅环境原来好舒服㖞，头顶有把大吊扇吹住，天气再热少少都应该无问题嘅。面包系新鲜睇住佢出炉再上枱，好食到不得了，我哋忍唔住加多咗一条包呀！青口好大只，嫩口唔会老，用白酒忌廉煮，无得输。八爪鱼脚出奇地软身，刀一切就入，绝对唔会𡁻香口胶咁；加埋佢炭烧烧到外脆肉软，每一啖响口里面爆发炭烧、海水、八爪鱼鲜味.... 加埋个软绵嘅口感，哩个真系必试呀！龙虾蟹肉饼都好出色！佢全块实的的都系肉嚟，唔系捞pat白汁响入面hea你嘅。肉一丝丝分明，唔会水冷冷。再薄薄加层面包康去炸，炸出嚟外皮薄薄酥脆，内里真才实料，坚系正！龙虾意粉都唔错，龙虾唔老，意粉个汁劲浓龙虾味；意粉弹牙唔糊口，唔错唔错。甜品朱古力mousse都出色，三层唔同浓度朱古力分别都好味，又唔会死甜。朋友生日仲可以预先要求佢帮我写埋happy birthday.... 总括而言全餐食咗约$1700系唔算平嘅，但酒店餐厅，有环境有服务有食物质素，个人觉得系抵俾嘅。间唔中想食餐好嘅哩间餐厅系唔错嘅选择。
趁住天气未系太热，就赶快嚟池畔餐厅食咗先，因怕太热坐室外会热到食唔到。但其实餐厅环境原来好舒服㖞，头顶有把大吊扇吹住，天气再热少少都应该无问题嘅。
面包系新鲜睇住佢出炉再上枱，好食到不得了，我哋忍唔住加多咗一条包呀！
青口好大只，嫩口唔会老，用白酒忌廉煮，无得输。八爪鱼脚出奇地软身，刀一切就入，绝对唔会𡁻香口胶咁；加埋佢炭烧烧到外脆肉软，每一啖响口里面爆发炭烧、海水、八爪鱼鲜味.... 加埋个软绵嘅口感，哩个真系必试呀！
龙虾蟹肉饼都好出色！佢全块实的的都系肉嚟，唔系捞pat白汁响入面hea你嘅。肉一丝丝分明，唔会水冷冷。再薄薄加层面包康去炸，炸出嚟外皮薄薄酥脆，内里真才实料，坚系正！
龙虾意粉都唔错，龙虾唔老，意粉个汁劲浓龙虾味；意粉弹牙唔糊口，唔错唔错。
甜品朱古力mousse都出色，三层唔同浓度朱古力分别都好味，又唔会死甜。朋友生日仲可以预先要求佢帮我写埋happy birthday....
总括而言全餐食咗约$1700系唔算平嘅，但酒店餐厅，有环境有服务有食物质素，个人觉得系抵俾嘅。间唔中想食餐好嘅哩间餐厅系唔错嘅选择。
冻饮
43 浏览
1 赞好
0 留言
自家制面包
38 浏览
0 赞好
0 留言
青口
39 浏览
0 赞好
0 留言
八爪鱼脚
24 浏览
0 赞好
0 留言
龙虾蟹肉饼
31 浏览
0 赞好
0 留言
龙虾扁意粉
45 浏览
0 赞好
0 留言
朱古力mousse
32 浏览
0 赞好
0 留言
张贴
