Burger's Friend Forever (希慎廣場)

营业中

休息中

最近希慎廣場地下開咗Food Court，呢間就主打漢堡包同意粉，見唔少人食緊，賣相吸引。自助形式落單攞位，無加一，唔限時，任你坐！座位闊落，感覺舒適，經過肚餓試試無妨呀。安格斯採用100%全天然美國穀飼安格斯牛肉同澳洲350日穀飼和牛，牛味突出，厚度適中，嫩滑多汁，搭配比較特別嘅丹麥藍芝士、紫洋蔥、番茄同羅文菜。包皮鬆軟，外微脆，口感豐富。旁邊有薯格，炸至金黃酥脆，鹹香味十足。意粉要咗香蒜白酒蜆肉口味，麵條軟硬度啱啱好，唔會過硬或過軟，淡淡香蒜味，幾掛汁，另外有粒粒蜆肉，食落唔膩，性價比高。另可加配要套餐，黒松露雜菌忌廉湯值得一試，香濃，帶粒狀，如果有埋塊法包就完美了。