影片
更多
2017-03-11
2663 浏览
呢间Gaylord Indian Restaurant有多年历史，入面环境宽阔雅致。我哋系假日去嘅，以尖沙咀嚟讲午市时段仲咁宁静，实在非常难得。不过无几耐就有唔少食客入座，同埋好多都系印度人或外藉人士为主，侍应亦主要以英语沟通。睇咗睇餐牌，觉得散叫都唔系好抵食，权衡之下决定食百几蚊一位嘅Lunch Buffet。食物都算有几多选择，啲菜式嘅中文名系我上网揾，可能会同实际有啲出入，分别有Vada（小扁豆冬甩）、Idli（白米糕）、Saffron Pulao（印度米饭）、Vegetable Samosa（杂菜馅角）、Fish Amritsari（炸鱼饼）。同埋Sambhar（炖小扁豆）、Chicken Malai Tikka（香料烤鸡）、Vegetable Jalfrezi（杂菜咖喱）、Chicken Makhani（牛油鸡）、Lamb Bhuna（羊肉咖哩）、Saag Paneer（菠菜茅屋芝士）、Dal Makhani（豆子咖喱）。另外仲有四款特色沙律以及多款酱料，甜品方面有Soan Papdi、Mango Phirni（芒果米布甸）、Gulab Jamun（蜜汁圆球）、Seviyan
呢间Gaylord Indian Restaurant有多年历史，入面环境宽阔雅致。
我哋系假日去嘅，
以尖沙咀嚟讲午市时段仲咁宁静，
实在非常难得。
不过无几耐就有唔少食客入座，
同埋好多都系印度人或外藉人士为主，
侍应亦主要以英语沟通。
睇咗睇餐牌，
觉得散叫都唔系好抵食，
权衡之下决定食百几蚊一位嘅Lunch Buffet。
食物都算有几多选择，
啲菜式嘅中文名系我上网揾，
可能会同实际有啲出入，
分别有Vada（小扁豆冬甩）、Idli（白米糕）、Saffron Pulao（印度米饭）、Vegetable Samosa（杂菜馅角）、Fish Amritsari（炸鱼饼）。
同埋Sambhar（炖小扁豆）、Chicken Malai Tikka（香料烤鸡）、Vegetable Jalfrezi（杂菜咖喱）、Chicken Makhani（牛油鸡）、Lamb Bhuna（羊肉咖哩）、Saag Paneer（菠菜茅屋芝士）、Dal Makhani（豆子咖喱）。
另外仲有四款特色沙律以及多款酱料，甜品方面有Soan Papdi、Mango Phirni（芒果米布甸）、Gulab Jamun（蜜汁圆球）、Seviyan Kheer（米粉布甸）。
呢度有啲菜式之前都未食过，
感觉都几特别。
同唔少印度菜馆一样，佢哋嘅Naan（烤饼）系厨师晌店入面烤制，
可以拎嚟点唔同嘅咖喱。
呢个Dosa就系第一次食，薄薄嘅班戟皮入面包住薯蓉之类嘅嘢，
有少少似食紧法式可丽饼咁。
其中我最钟意嘅系Saag Paneer，入面嘅茅屋芝士质感偏硬，
食落好似硬豆腐，
打成蓉嘅菠菜就无乜辣味，
感觉都几健康。
Fish Amritsari同Chicken Malai Tikka都系第一次食，
前者微辣而惹味，
后者就有好香嘅烧烤味。
Vegetable Samosa就几健康饱肚，
Saffron Pulao入面啲印度米长长哋，
粒粒分明黏性低同比较干身，
咬起嚟比我哋平日食到嘅白米脆口。
甜品方面我只系食咗Gulab Jamun，
原来系将牛奶揉成小圆球再落油炸，
之后就浸晌糖浆之中，
食落甜味极高，
就好似食紧一粒吸满炼奶嘅小蛋糕咁，
不过都几解辣。
张贴
