OCEAN THREE (已結業)

上朋友家开party, 订左Ocean Three 生蚝及其他海鲜。朋友之前订过佢地嘅海胆，觉得好好食，但今次就可以话系难食⋯⋯不过anyway, 主角系生蚝！ 我地顺路喺附近寿司店买左几只美国珍宝蚝，真系手掌咁大只，可惜食落有口感，但真系冇乜味⋯⋯只有过瘾。（店帮你开埋，虽然方便⋯⋯但拎到返去冇晒蚝水⋯⋯自己开的话千祈唔好倒左／冲走D蚝水啊!!! 如果开到有壳碎，小心拨走就得。）而喺Ocean Three 订左一人一只Fleur des eaux 同Gillardeau No.0。前者不错，但印象唔深；但后者，首先够大只啦（网上介绍No.愈细即系愈大，No.0即系最大～但都冇珍宝蚝咁大只），然后，入口系好咸嘅海水味，但咬开，即刻涌出鲜甜味，加上佢爽脆嘅口感，真系久久不能忘怀！不过，Ocean Three唔包开蚝，但Gillardeau个蚝形系好似船仔咁，比一般生蚝难开，都要D功夫、耐性，同力量⋯⋯由于太鲜味，唔需要落柠檬或生蚝酱。