影片
更多
2022-02-02
1290 浏览
朋友A知道我好钟意食Sukiyaki ，佢话牛阵有寿喜烧任食，推荐我去试吓。我话其实我又唔系食得多，重视quality 远超于quantity，食多咗要做返好多运动先可以消耗extra卡路里！任食对我嚟讲，并唔吸引。不过A先生话净系食和牛都已经够晒抵，回到本。既然佢咁落力推介，我又同老公去试吓啦！牛阵地方阔落，每个角落都有把风扇，确保空气流通。呢个疫情紧张嘅时候，真系要令食客放心。我哋order咗日本产黑毛和牛放题套餐（$359）日本产黑毛和牛系由日本自家农场饲养，日本直送到香港。除咗黑毛和牛之外，套餐食物种类丰富，肉方面包括澳洲嘅两款牛肉，冲绳豚肉同埋其他牛肉部位。海鲜方面有带子、青口、虾滑、海螺同墨鱼仔等。自助区域有林林总总嘅蔬菜同丸类，亦有关东煮、咖喱牛肉饭、炸鸡炸薯条等熟食，可以趁汤底未滚，顶下肚先。侍应送上寿喜烧嘅时候，有细心讲解如何烹调，例如要先用牛油（牛脂肪粒）涂一层喺铁锅上，之后可以放蔬菜牛肉及寿喜烧汁。食完寿喜烧亦可以加入清水变成火锅，一个套餐有两种食法。我由头到尾都只系食寿喜烧🍲黑毛和牛油花均匀，肉质鲜嫩，油脂甘香，高品质，有惊喜！我觉得唔需要点其他肉类，只需要食黑
牛阵地方阔落，每个角落都有把风扇，确保空气流通。呢个疫情紧张嘅时候，真系要令食客放心。
我哋order咗日本产黑毛和牛放题套餐（$359）日本产黑毛和牛系由日本自家农场饲养，日本直送到香港。除咗黑毛和牛之外，套餐食物种类丰富，肉方面包括澳洲嘅两款牛肉，冲绳豚肉同埋其他牛肉部位。海鲜方面有带子、青口、虾滑、海螺同墨鱼仔等。自助区域有林林总总嘅蔬菜同丸类，亦有关东煮、咖喱牛肉饭、炸鸡炸薯条等熟食，可以趁汤底未滚，顶下肚先。
侍应送上寿喜烧嘅时候，有细心讲解如何烹调，例如要先用牛油（牛脂肪粒）涂一层喺铁锅上，之后可以放蔬菜牛肉及寿喜烧汁。食完寿喜烧亦可以加入清水变成火锅，一个套餐有两种食法。
我由头到尾都只系食寿喜烧🍲黑毛和牛油花均匀，肉质鲜嫩，油脂甘香，高品质，有惊喜！我觉得唔需要点其他肉类，只需要食黑毛和牛同一D新鲜嘅蔬菜，确实已经值回票价！
我老公就每一样食物都有试过，佢完全豁出去，无限咁任饮（Asahi🍺）任食😂佢都觉得CP值超高，好耐冇食过咁有水准嘅放题。就连关东煮都令佢喜出望外，因为福袋入面有软绵绵嘅年糕同埋难得蒟蒻都好入味。
甜品有4款Häagen-Dazs雪糕同鲷鱼烧，可以发挥创意，自制特色打卡甜品。我只系负责泡制个雪糕新地俾老公食，因为实在太饱食唔落（好似个鲷鱼烧一样，饱到反肚😂）
牛阵真系可以将quality 同quantity 都做到令人满意，值得一试🥰
张贴