The Victuals

营业中

休息中

湾仔修顿球场对面有间开咗不久嘅西餐厅，搭升降机上一楼，打开门系一个U字型酒窖，我再行入去有大约20张枱，以啡色木器为主，仲有一排吧枱高椅向着外面球场。之前新开张嘅时候食过午餐已经觉得环境好舒适，今次约埋朋友一共四位食晚餐。餐牌有好多选择，唔少得猪、牛、鸡、仲有海鲜类例如青口，蟹肉他他，鱼类等。头盘系个dry aged 牛骨髓，食落口感幼滑，轻微嘅辣涂上面包几香口。grill 猪肉条带少少甜酸，完全冇骨，啖啖肉可以好快清碟。Prime striploin 系30 days dry aged ，300 gram份量都唔少，牛肉𠮶边好脆，有少少油脂加上牛味好浓。最兴奋喺个薯蓉，好兴薯仔味亦好滑身。我平时好少食薯仔都一次过食晒。tiramisu presentation 都好有心思，唔用传统手指饼，用自制almond 脆饼，再加上注入空气嘅朱古力。