影片
更多
2016-05-18
2493 浏览
抹茶景点？乜香港开咗抹茶博物馆咩？唔系… 系食系叹系舒服嘅新地方！第一篇blog嚟介绍下抹茶控一个好去处：御前上茶👍🏻一行入去已经闻倒淡淡嘅抹茶香味喇～老板话御前上茶嘅抹茶系用日本历史悠久嘅「森半抹茶」整架，所以香味同茶味都特别浓郁，令人一试难忘。事不宜迟 开始介绍下佢地嘅食物先！身为抹茶控嘅你，仲系食紧抹茶雪糕、抹茶蛋糕？识食嘅一定系食抹茶雪糕菠萝包($48)同抹茶菠萝油($46)！卖相吸引就不在话下，佢仲够哂足料！食一啖之后𠮶浸抹茶嘅余香仲keep住喺口入面😛抹茶菠萝包同埋菠萝油，两款菠萝皮都有平时食开嘅菠萝包甜味，同时亦有抹茶嘅甘香味；唯独抹茶菠萝油牛油味可以再重啲，对我嚟讲，菠萝油就应该要够 heavy嘛！YUMMY小贴士：钟意食雪糕嘅你，可以拣抹茶菠萝包，有又冻又热嘅口感（不过要注意，会食得较呢hea）；钟意重牛油香嘅你，就可以拣抹茶菠萝油，充满住牛油同抹茶嘅香味。怕净系食嘢会口干？唔紧要！仲有比你有清新refresh感觉嘅抹茶梳打($36)望倒已经「叮」一声！好靓嘅一杯渐变色抹茶饮品，将饮品搅匀之后，梳打同抹茶混为一体。有汽梳打嘅刺激，加上淡淡嘅抹茶香，真系有一种焕然一新嘅
一行入去已经闻倒淡淡嘅抹茶香味喇～老板话御前上茶嘅抹茶系用日本历史悠久嘅「森半抹茶」整架，所以香味同茶味都特别浓郁，令人一试难忘。事不宜迟 开始介绍下佢地嘅食物先！
身为抹茶控嘅你，仲系食紧抹茶雪糕、抹茶蛋糕？识食嘅一定系食抹茶雪糕菠萝包($48)同抹茶菠萝油($46)！
卖相吸引就不在话下，佢仲够哂足料！食一啖之后𠮶浸抹茶嘅余香仲keep住喺口入面😛抹茶菠萝包同埋菠萝油，两款菠萝皮都有平时食开嘅菠萝包甜味，同时亦有抹茶嘅甘香味；唯独抹茶菠萝油牛油味可以再重啲，对我嚟讲，菠萝油就应该要够 heavy嘛！
YUMMY小贴士：钟意食雪糕嘅你，可以拣抹茶菠萝包，有又冻又热嘅口感（不过要注意，会食得较呢hea）；钟意重牛油香嘅你，就可以拣抹茶菠萝油，充满住牛油同抹茶嘅香味。
怕净系食嘢会口干？唔紧要！仲有比你有清新refresh感觉嘅抹茶梳打($36)
望倒已经「叮」一声！好靓嘅一杯渐变色抹茶饮品，将饮品搅匀之后，梳打同抹茶混为一体。有汽梳打嘅刺激，加上淡淡嘅抹茶香，真系有一种焕然一新嘅感觉😍绝对冇令我失望 值得一试！
压轴登场就系御前上茶嘅招牌甜品－御前抹茶盛合($84)
间间抹茶甜品舖整出嚟嘅甜品都差唔多一式一样。红豆丸子配抹茶雪糕就实有架喇！但冇啲gimmick嘢又点出位呢？哩个御前盛合加左干冰喺底，keep住有烟出嚟，净系相机都食餐饱！
哩个抹茶雪糕比其他抹茶雪糕系有少少分别，佢一个抹茶雪糕入面仲有分深绿同浅绿色架。浅绿色系比较甜嘅雪糕味，而深绿色就系较甘香嘅抹茶味。两种夹埋嚟食唔太甜又唔太漏😋
不过价钱方面就真系唔太抵喇…
至于唔想堂食嘅朋友仔，御前上茶亦设有外卖 Part，咁就可以一路行一路食啦！
大家除左食野同饮野之外，同时都要欣赏老板喺装潢方面嘅心思。
简约日本风令你坐得舒服，墙上面仲有好多明星嘅签名同亲手写嘅字句。话唔定下一次你去食嘅时候，刘时镇就坐喺你隔离呢！
张贴
