火鍋煮場 (已結業)

有Friend話要黎呢間深水埗火鍋店打邊爐，因為佢有幾十支啤酒quota未飲晒叫我地一齊去飲。坐低即叫啤酒然後叫咗個三文魚刺身，厚切嘅，都新鮮woo。呢碟係A4日本和牛拼安格斯牛小排，$398黎講都算抵食。水魷都唔錯，D魷魚鬚比想像之中大條，都幾新鮮幾爽口。紫菜響鈴熱辣辣應該係即叫即炸嘅，就咁食都好正，不過我鍾意放落湯淥一淥先食。佢個水餃味道都幾好，D餡好新鮮。醉雞都幾入味(其實想食醉雞點解唔叫醉雞鍋呢？有時都唔明D Friend係D乜野構造)。再食咗個娃娃菜。今晚飲咗咁多，$100有100支啤酒真係太得人驚嘅Promotion，仲要唔係難飲嗰D古怪啤，抵到爆。