八方庭

营业中

休息中

今日成家人过嚟爱定商场嘅酒楼食晚饭，酒楼嘅名叫做＂八方庭＂。装修简洁有时尚感，地方好大，座位空间好足够。我哋叫左5道菜，每一道菜都好好味。🥬腊味炒芥兰，芥兰超爽脆，吵到翠绿色非常吸引，同腊味一齐炒带有咸香味，仲中和左芥兰嘅苦味，超鲜甜。🐓正宗文昌鸡，今年系文昌鸡，鸡味特别浓郁，肉嫩画弹牙。唔知系咪因为活动多，所以唔会好肥，鲜甜味十足。🐟老坛酸菜鱼，大大盘酸菜鱼，今次真系有口福啦。鱼片大块无骨，又滑又爽口，鱼肉非常鲜。入边仲有酸菜，芽菜和薯粉。个汤酸酸辣辣够晒开胃，佢个辣唔会好呛口，饮落去好顺，充满鱼鲜味和酸菜味。🐖川辣猪手充满骨胶原，呢个猪手系一份凉菜，猪手冰冰凉凉皮爽肉嫩，猪皮极有弹性食落去好弹牙，淋上川味汁食落去有微微辣味，极之开胃🤤惹味！🦪椒盐鲍鱼，系用炸粉包住整只大鲍鱼拎去炸，外层嘅炸面非常香脆，入边鲍鱼肉爽口弹牙，味道非常鲜甜。再洒上椒盐粉和炸蒜，令人食得好惹味！