Seafood Stand (已結業)

Seafood Stand acp0201放工约咗朋友系尖沙咀行街，行到攰攰哋，就去咗seafood stand度食医一医肚。Seafood Stand喺安达中心地下，都几易揾。 主打系汉堡同埋西式小食， 大概五十零蚊已经可以有个set， 包埋薯条同饮品，感觉几抵食。店面设计好有外国嘅风味， 入面都有位可以坐低食下嘢凉下冷气。招牌安格斯汉堡面包啱啱烘起， 热辣辣兼外脆内软。 安格斯汉堡够厚身， 牛味十足， 配合半溶嘅芝士， 十分惹味。 配菜有洋葱，火箭菜， 蕃茄同酸瓜， 好新鲜而且好足料。 店员仲另外送咗一个咸蛋沙律酱俾我地试下， 有蛋香之余亦唔会话太腻， 配合埋啱啱炸起嘅薯条食，感觉更加之香😋。水牛城鸡翼鸡翼外皮香辣够惹味， 配合埋忌廉芝士酱， 酸咪咪， 喺夏天食劲开胃😋。Seafood stand 用料新鲜，大份夹抵食。 同朋友食完都好满足咁捧住个肚， 叉足电继续喺尖沙咀shooping🤣。