Hea Ha Hea Ha 居酒屋

营业中

休息中

依间系尖沙咀宝勒巷10号9楼嘅居酒屋，装修简洁，座位舒适。有边墙摆满清酒，好有和风味道。餐厅有清酒，熟食和串烧等等供应，我觉得串烧出色。如果坐吧枱，仲可以睇住职员即场烧。Hea精选套餐三款前菜味道都好特别好味，其中青瓜有柚子腌制，好有心思。蔬菜类串烧：烧秋葵和烧冬菇，秋葵只系加左少许盐，冬菇有烧汁，烧完唔会干。肉类串烧：鸡软骨串和鸡中翼，鸡翼表皮烧到金黄色，火喉刚好。盐烧大虾：大虾名副其实真系够晒大只，上枱时香喷喷，啖啖肉又够弹牙。熊本猪腩肉串：配上酱汁，肉质松化，香软美味。牛肉乌冬：个汤底好浓好味。饮品系柚子蜜糖梳打和青柠梳打，套装仲有甜品。而且份量刚好。