影片
更多
2015-11-24
1130 浏览
近期呢一间铺可以话系人气飙升，事关因为佢入选左米之莲街头小食嘅得奖名单。其实佢开业初期我就已经有光顾过，𠮶时已经觉得非常之唔错，近期见佢入选米之莲咁把炮，所以就在返嚟呢一间铺头，去怀缅一下同埋呀去睇下佢系咪真系咁有料到。事关佢出咗名，又撞正午饭时间，舖入面有好多好多人，所以就算我只系一个人啊都要等几分钟先有位。一坐低我就落单，叫咗一份炸酱云吞捞面，不过可能因为佢实在太忙啦，我足足等左差不多15分钟，先至有得食。等咗咁耐终于有得食，份量其实都几大㗎 ，三只云吞＋都好多炸酱，个面又多㖞仲要陪埋个汤，先至卖紧＄36 ,所以我就觉得好抵食嘅。大份还大份，味道好啊先至系最实际嘅。老实讲，我觉得佢好掂，首先讲云吞，虾肉同猪肉嘅比例各占一半，虾肉拣得好好，都几新鲜同埋真系有虾嘅鲜甜味。另外猪肉嘅调味非常出众，都偏向咸味重少少嘅，但系唔会过量，好正好正。炸酱方面，保持一贯嘅高水准，小小偏甜，配合埋咸味同肉本身嘅味，取得左一个好嘅平衡。到面底方面，都算系弹牙，而且完全冇难食嘅碱水味，烹调时间亦掌握得几好，唔会话煮到淋哂。不过讲到成餐嘅精华，我就觉得系配捞面嘅𠮶个汤，入边嘅葱白非常非常之香，汤底淆得好好，
近期呢一间铺可以话系人气飙升，事关因为佢入选左米之莲街头小食嘅得奖名单。其实佢开业初期我就已经有光顾过，𠮶时已经觉得非常之唔错，近期见佢入选米之莲咁把炮，所以就在返嚟呢一间铺头，去怀缅一下同埋呀去睇下佢系咪真系咁有料到。
事关佢出咗名，又撞正午饭时间，舖入面有好多好多人，所以就算我只系一个人啊都要等几分钟先有位。一坐低我就落单，叫咗一份炸酱云吞捞面，不过可能因为佢实在太忙啦，我足足等左差不多15分钟，先至有得食。
等咗咁耐终于有得食，份量其实都几大㗎 ，三只云吞＋都好多炸酱，个面又多㖞仲要陪埋个汤，先至卖紧＄36 ,所以我就觉得好抵食嘅。
大份还大份，味道好啊先至系最实际嘅。老实讲，我觉得佢好掂，首先讲云吞，虾肉同猪肉嘅比例各占一半，虾肉拣得好好，都几新鲜同埋真系有虾嘅鲜甜味。另外猪肉嘅调味非常出众，都偏向咸味重少少嘅，但系唔会过量，好正好正。炸酱方面，保持一贯嘅高水准，小小偏甜，配合埋咸味同肉本身嘅味，取得左一个好嘅平衡。到面底方面，都算系弹牙，而且完全冇难食嘅碱水味，烹调时间亦掌握得几好，唔会话煮到淋哂。
不过讲到成餐嘅精华，我就觉得系配捞面嘅𠮶个汤，入边嘅葱白非常非常之香，汤底淆得好好，表面上好清，但实在好浓味，不过就唔系会令到你好喉干嘅𠮶种，同埋应该落咗小小虾子，所以个汤好鲜甜，令我大有惊喜。
另外系服务方面我要额外赞一赞老板娘，因为舖头出咗名，人气高左自然多人嚟食，所以啲嘢食自然要等耐左，我眼见老板娘不断致歉同埋安抚食客，为大家要等咁耐而感到唔好意思，非常有礼貌而且非常谦虚，系百忙之中仍然同食客有讲有笑，每个客人离开嘅时候，都会多谢佢同埋衷心咁希望客人下次会再嚟，呢一点，系好多而家连锁嘅餐厅已经揾唔到架啦。
整体我成餐饭都食得好满意，性价比高、质素好而且服务有礼，我一定会再返嚟。
张贴
