諾亞半熟蛋糕專門店 (已結業)

Honey寻日朝早喺互联网上见到「诺亚半熟蛋糕专门店」新推出咗两款杯装半熟蛋糕 ，电话提到好想试。为博红颜一笑，即使落紧滂沱大雨，XO仔亦远赴大坑，于港岛区唯一一间「诺亚」分店买齐两款口味 。女店员非常细心，包装时先问及将会几时食用，并告知蛋糕应保持冰藏（freezer），食用前必先预三十至四十五分钟解冻时间 。靓靓o既黄色猫形盒刚好放得入两只杯。冇错，除咗有蛋糕食，仲有靓杯送添！ 两款杯o既前后都唔一样，几只肥猫都喺度叫「卖飞弗」 ，搞鬼又可爱，逗得情人笑瞇瞇。黄色o既为「原味蜂蜜半熟蛋糕」，深啡色o既则为「朱古力蜂蜜味半熟蛋糕」，两者糕面同样香口软身。解冻后馅心呈半流心状态，微甜o既蜂蜜味极之清香 ，不过食完真系有啲滞。意外地，朱古力蜂蜜味虽然好似甜啲，但又冇原味咁溜，个人like爆！「诺亚半熟蛋糕专门店」o既杯装蜂蜜半熟蛋糕有原味同朱古力味两款，一杯单售$48，两杯平啲$88，有蛋糕食，又有新杯用，一次过满足哂honey两个愿望，难怪佢都要高呼「卖飞弗」 ！