鮨金和食料理 (已結業)

之前去过日本食omakase，今次难得发现香港都有，于是同朋友book左枱入铜锣湾，试呢间鮨金和食料理。lunch set 食左迷你怀石料理，有刺身4款、寿司6件、和食1款，前菜沙律、茶碗蒸蛋。先黎香口野。炸虾天妇罗上碟时热辣辣，由紫苏叶包住一齐炸，令紫苏叶香渗透当中，虾香、油香、紫苏香，松软可口。鲷鱼、深海池鱼。鱼肉好大，完全覆盖住饭，池鱼粉红色，鲷鱼较软，都好可口。带子配上蟹膏，海胆配上蟹籽，鲜度马上提升，比单一味道更好，可见厨司有花心思。 蟹籽粒粒饱满，咬落会爆汁，好鲜甜。拖罗好难得见到，一上碟就双眼发光。果然比想像中好食，入口即溶，非常滑溜，口感一流。最后仲有甜品做小点缀。今次lunch set性价比好高，580可以试到好多野，篇幅都写唔晒，环境又舒服，下次会同朋友黎试一试晚餐！