一門 (已結業)

海胆深海池鱼，这道菜好醒胃，酸酸尾尾既酱汁，配刺身食一样咁夹，唔使经常都配wasabi咁单一，海胆有2种，橙色的口感比较幼滑，但海胆味未算好突出，黄色的口感较结实，不过海胆味相当浓郁。厚烧玉子，蛋煮得岩岩好，外层带有少少半凝固状态，而且每一口食落都好滑身。海胆吞拿鱼寿司卷，共6件，由上至下系海胆、吞拿鱼刺身、吞拿鱼蓉、寿司米，刺身和蓉系两种不同口感，混合一齐食口感层次丰富，加埋海胆令味觉更加提升。炸蟹肉卷，共4球，馅料系蟹肉和忌廉，外层酥脆，内里系“杰”身既软滑馅料，有d似日本既可乐饼，碟上既酱汁系梅子味，酸酸地够醒胃，而且可以解腻。生姜豚肉饭，豚肉食落有油脂香味，油脂比例岩岩好，估计系7成肉3成脂肪既黄金比例，另外饭同样有惊喜，每一啖都食到有生姜既味道，简直系渗入左每一粒米。蜜桃梳打/海盐荔枝梳打，大杯兼且冰冻解渴，海盐荔枝加入左椰果两者永远都系绝配。