CaN LaH

营业中

休息中

呢个时势，晚市全院满坐真系非必然。当IFC 里面既餐厅晚市都唔系间间爆，呢间星马菜真系旺足整个晚市。餐厅晚上都几有情调，无落雨仲可以坐户外位欣赏维港夜景。食星马菜，happy hour 饮下酒，加埋维港海景，成个画面出晒嚟。老隆药膳肉骨茶肉骨茶内容好丰富，有大大件猪肋排，带皮蒜头，猪肚同其他配料。入口味道香浓，却没有死咸，散发著胡椒香。芙蓉烧蟹蟹够晒份量，大大只蟹钳，拆壳后好多肉。酱汁惹味，将娘惹风味带入蟹中。正宗海南麻鸡海南鸡周围都有，要分高低，真系睇只鸡。呢度既海南鸡鸡肉好嫩口，你绝对分得出系高质，配埋黑豉油、姜蓉及辣酱三款酱汁食，最地道既享受。百香果沙律虾球虾肉爽口，外皮脆口，酱汁带酸甜香，令人开胃的组合。四大天王呢个炒菜唔普通，将长豆，秋葵，茄子及臭豆用XO酱炒，没草青味既同时又辣得惹味。杨枝雪糕椰子冻好多人都叫椰子盅，低配版一样有雪燕和椰子雪糕同杨枝甘露。虽然争个椰子壳，但价钱平啲更抵食。黑糯米椰子雪糕浓稠黑糯米，椰汁唔少得，加一球椰子雪糕，黑白配带出椰香。