影片
更多
2019-03-15
353 浏览
成日见人哋story post喺呢间慢理墙城食饭，一直觉得装修好靓同嘢食好得意，呢晚就约咗几个朋友一齐嚟试下！慢理墙城喺油麻地砵兰街M1酒店1楼，入到去行条云石楼梯就到喇～餐厅以森林为主题，一入到去就身处喺一片绿色入面。虽然餐厅名字取「万里长城」嘅谐音，但咩意思真系冇人知lol 连英文名「Wall Is Eat」都唔知点解。装修好靓，但店面唔算大，坐到大约30人左右，另外出面仲有间房仔，有两张四人枱。因为餐厅嘅capacity唔大，所以好多客人就算book咗位都要等半个钟左右（尤其我哋去呢日系白色情人节😝），所以建议可以book早啲，预留少少时间等位。我哋等位嘅时候已经睇咗menu拣好嘢食，坐低咗就可以嗌，而上菜速度都几快。蝶豆花柠檬水等位嘅时候已经见到入面枱枱都有呢杯蓝色嘢饮😮，原来系水嚟嘅。餐厅喺水加咗蝶豆花同柠檬，几特别。呢到嘅意大利饭同意粉都几特别，各有七款，用七只颜色嚟分。南瓜带子意大利饭（$158）我哋叫嘅意大利饭系代表黄色嘅南瓜带子意大利饭。口感唔错，南瓜味都有。不过整体味道有啲淡～牛油果忌廉蟹肉扁意粉（$158）我哋仲叫咗浅绿色嘅牛油果忌廉蟹肉扁意粉。几满意呢个，忌廉好
慢理墙城喺油麻地砵兰街M1酒店1楼，入到去行条云石楼梯就到喇～
餐厅以森林为主题，一入到去就身处喺一片绿色入面。虽然餐厅名字取「万里长城」嘅谐音，但咩意思真系冇人知lol 连英文名「Wall Is Eat」都唔知点解。
装修好靓，但店面唔算大，坐到大约30人左右，另外出面仲有间房仔，有两张四人枱。因为餐厅嘅capacity唔大，所以好多客人就算book咗位都要等半个钟左右（尤其我哋去呢日系白色情人节😝），所以建议可以book早啲，预留少少时间等位。
我哋等位嘅时候已经睇咗menu拣好嘢食，坐低咗就可以嗌，而上菜速度都几快。
蝶豆花柠檬水
48 浏览
0 赞好
0 留言
等位嘅时候已经见到入面枱枱都有呢杯蓝色嘢饮😮，原来系水嚟嘅。
餐厅喺水加咗蝶豆花同柠檬，几特别。
呢到嘅意大利饭同意粉都几特别，各有七款，用七只颜色嚟分。
南瓜带子意大利饭（$158）我哋叫嘅意大利饭系代表黄色嘅南瓜带子意大利饭。
口感唔错，南瓜味都有。不过整体味道有啲淡～
牛油果忌廉蟹肉扁意粉（$158）我哋仲叫咗浅绿色嘅牛油果忌廉蟹肉扁意粉。
几满意呢个，忌廉好浓，好creamy。
意粉唔淋唔硬，啱啱好。
牛油果平时比较少见同意粉一齐整，估唔到都几夹！
我哋仲叫咗一个主菜。呢到嘅主菜名都好特别，包括寻日的羔羊、寻找海鲈的故事、墙城贰佰肆拾捌蚊鸡。
我哋就叫咗「慢落猪」～
慢落猪
$268
55 浏览
0 赞好
0 留言
- 慢煮西班牙黑毛猪串烧配甜蕃薯角
本身见二百几蚊得几条串烧有啲唔抵，但上菜先见到其实好大旧猪，而且都系高质嘅，份量仲唔少添。
黑毛猪整得啱啱好，入味，唔韧。
配菜嘅甜蕃薯角正正正！
墙城小食拼盘(大)
$248
62 浏览
0 赞好
0 留言
我哋有四个人，所以叫咗个大嘅小食拼盘，但觉得小嘅应该都已经够，细嘅系$168，剩返嘅$80可以爱嚟叫多样嘢
小食拼盘有美式香辣脆鸡翼、德国肠、脆炸薯条、甜蕃薯角、芝士条，最钟意薯条、蕃薯角同鸡翼。
餐厅自家制嘅蛋黄酱都几好味！
总括嚟讲食物都唔错，不过部分嘢食唔够热，例如意粉上面嘅牛油果同蟹肉、意大利饭上面嘅带子。
店员唔够attentive，虽然客人好多，staff又唔少，但比较少侍应会望住客人有咩需要，例如加水、落单/埋单。
除咗其中一个女侍应，其他员工态度都麻麻～
menu：
张贴
