漢堡B (已結業)

呢间汉堡包店新开张时大排长龙，多人到迫爆，次次去亲都卖哂。过左一排，人气减弱，终于有机会帮衬。间店位于商场内food court，𠮶度啲店大部分卖屋邨怀旧小食，呢间西式汉堡包店身在其中就好似显得格格不入咁。小店汉堡包款式不算多，价钱亦不特别平，但都可以一试既。点左最basic既burger，由于即叫即做，所以都等左一段时间先有得食。Burger卖相不错，又大大份，旧肉亦相当厚同juicy，夹住好多蔬菜，都几fresh所以不会觉得油腻，酱汁都调较得几夹，只系食落有啲狼狈，啲汁同啲料好容易跌哂出黎。