小正大福 (砵甸乍街) (已結業)

我真系为咗「小正大福」而来！一直都好想食呢间网店嘅大福，不过要预订又要约交收所以一直都冇试😆😆当我知道Sonia Coffee有得卖「小正大福」出品嘅大福后就已经bookmark呢间店要揾机会试😬😬😬餐牌上有4页系介绍”Just For Mochi” 产品，分别有养生系列、邪恶系列、养生系列、水果/茶系列同埋期间限定系列。款色选择真系好多。堂食款式不定期更换，店铺每日只供应6款口味嘅大福。当日(某日weekday下午)我去到嘅时候卖剩4款，脆皮Oreo芝士🧀、宇治抹茶🍵牛乳、花生香蕉🍌朱古力同埋紫薯🍠朱古力。▫️紫薯朱古力大福 (HKD32/pc) ▫️宇治抹茶牛乳大福 (HKD32/pc)由「小正大福」出品嘅大福标榜无油无添加及少糖，呢个就系我正正想试大福嘅原因。每粒大福都几大粒，一刀切落去嘅时候真系会爆馅。人手制造嘅大福皮烟烟靭靭，好正呀！紫薯朱古力大福造型好似一只迷你紫薯，里面除咗朱古力忌廉外仲有朱古力脆脆珠！宇治抹茶牛乳大福入面嘅北海道3.6牛乳布甸份量一啲都唔少。两款大福味道真系唔系好甜，好啱我口味。▫️昭和雪糕梳打 (HKD68) - 我拣嘅款口味系巨峰葡萄🍇。白桃及波子汽水同价