CRAVINGS

营业中

休息中

意想不到喺呢个油麻地嘅小街市旁边有一间质素唔错嘅中东食物餐厅，除咗咖哩之外仲有我最喜爱嘅土耳其卷肉kebea，我朋友就叫咗咖哩牛肉配印度薄饼，而我就叫咗一份鹰嘴豆土耳其卷饼，我偷咗我朋友个咖哩牛肉同埋印度薄饼试咗一下，味道都几好。lunch time时间帮衬有碗例汤，我觉得应该叫佢做印度style罗宋汤，入面啲配料都几新鲜不过就好似䶢咗少少。佢个咖哩牛肉不过香料十足，印度薄饼热辣辣，一边闪咖哩汁一边食好正。鹰嘴豆kebea系一个唔错嘅素食选择，有少少辣，鹰嘴豆同入面啲杂菜mix 得几好食。饮品就叫咗印度拉茶同埋斋啡，每人70蚊又唔贵㖞。间餐厅唔系好多位，不过估唔到相对偏僻嘅地方都坐得满，我估都系因为好食所以吸引到啲人来帮衬。