生昌潮州海鮮酒家

营业中

休息中

住大围嘅人都冇边个唔识呢间打冷，因为佢大碟抵食而且keep住咁多年都好好味！通常三五知己嚟屋企玩完都会一齐去呢度食打冷。椒盐鲜鱿鱿鱼炸得透，炸皮薄，鱿鱼香，调味正！送啤酒一流～卤水拼盘最钟意食猪大肠！又软又入味又香！鱿鱼都好入味又软，红肠就比较普通～黄糖蕃薯&芋头本身想要反沙芋头，但系呢度冇，估唔到呢个黄糖蕃薯&芋头咁正！糖浆份量够晒点匀每一旧，而且炸得好透，热辣辣，蕃薯同芋头都够晒甜同软，加上外皮脆脆地，点埋糖浆食真系唔错～猪红就偏油同咸dd，味道都ok嘅。鹅片真系值得一试！鹅片切得比较薄，好软熟、入味，肥瘦均匀，鹅味浓～底下层豆腐吸晒d卤水汁，又够晒厚，好好味！