影片
更多
2012-05-20
22 浏览
在旧店时代已经是常客，最近睇杂志见到老板个样，先知佢地搬左去谢斐道桥底~地点唔算好就脚，但亦唔难揾，就在铜锣湾广场二期下面的Buger King路口转入，直行到桥底，正正在新星海鲜酒家旁边，五代同糖对面！一入门口就见到胡须仔老细，同埋佢父母亦落场帮手，亲切~~讲真佢地菜式真系好多，量多自然有参差之处，不是道道精彩。但以我多年的经验，食以下几款，绝对唔会死错人~HAHA~牛油鸡翼 $65/6件鸡全翼上粉炸，再用牛油、蒜茸炒，真系好浓味！个人觉得同旧店时期差不多。另外有个香辣牛油鸡翼，加左辣椒、葱、蒜同炒，我觉得牛油味反而被盖过。我还是喜欢原味的~~原个椰青焗饭海鲜炒饭底，放入椰青内，淋上椰奶做的酱汁，入炉焗。上桌时跟一杯椰青水送上，证明是即叫即开一个新鲜椰青制作，消除了我地成日觉得「菠萝炒饭个菠萝系咪会重用」之疑惑~HAHA~个饭唔知点解，我想用「好软滑」来形容，好够味，吃时我习惯会刮埋D椰青肉来食，热烘烘，清香~~醋锅牛肉 $80哩个我见杂志极力推介，于是今次点了一试。唔错，牛肉汤加左醋、香茅，够味，牛肉我相信系牛柳，唔系雪花但片得薄，用汤「洗一洗」好拎上来了，仲有少少粉红色时吃，够软
地点唔算好就脚，但亦唔难揾，就在铜锣湾广场二期下面的Buger King路口转入，直行到桥底，正正在新星海鲜酒家旁边，五代同糖对面！
一入门口就见到胡须仔老细，同埋佢父母亦落场帮手，亲切~~
讲真佢地菜式真系好多，量多自然有参差之处，不是道道精彩。但以我多年的经验，食以下几款，绝对唔会死错人~HAHA~
牛油鸡翼 $65/6件鸡全翼上粉炸，再用牛油、蒜茸炒，真系好浓味！个人觉得同旧店时期差不多。另外有个香辣牛油鸡翼，加左辣椒、葱、蒜同炒，我觉得牛油味反而被盖过。我还是喜欢原味的~~
原个椰青焗饭海鲜炒饭底，放入椰青内，淋上椰奶做的酱汁，入炉焗。上桌时跟一杯椰青水送上，证明是即叫即开一个新鲜椰青制作，消除了我地成日觉得「菠萝炒饭个菠萝系咪会重用」之疑惑~HAHA~
个饭唔知点解，我想用「好软滑」来形容，好够味，吃时我习惯会刮埋D椰青肉来食，热烘烘，清香~~
醋锅牛肉 $80哩个我见杂志极力推介，于是今次点了一试。唔错，牛肉汤加左醋、香茅，够味，牛肉我相信系牛柳，唔系雪花但片得薄，用汤「洗一洗」好拎上来了，仲有少少粉红色时吃，够软糯，牛肉下面铺左粉丝，吸埋牛肉汤的精华，很好~会再点~
蟹肉汤檬汤底偏橙色，相信系加左虾膏去煮，味浓，带点洋葱的鲜甜。由于个汤真在太浓，面头ｄ蟹肉反而被抢味，很淡。无伤大雅，我朋友连汤都饮埋~~
炸春卷跟其他店相比，这是我吃过做得最脆，馅最多最实的一个。
今次我仲叫左三丝捞檬，较淡。
香茅猪扒，肉质较实，香茅味重ｄ就好~~
最后想讲，由旧店起，已经觉得哩度D鱼露，系淡左D~~老板，做返浓D得唔得?
题外话/补充资料：
食完牛油鸡翼之后，老板先同我地讲，原来原味同香辣味的牛油鸡翼，系可以双拼ga wor~~菜牌冇写的~~
(以上食记乃用户个人意见 , 并不代表OpenRice之观点。)
张贴
