樂園魚旦專家 (協和街)

营业中

休息中

由于以前住呢度嘅附近，所以间唔中屋企人都会带我去乐园粉面𠮶度食嘢，所以呢度可以话系充满一个回忆的地方。机缘巧合下今日故地重游，所以都买个外卖返去食。入咗去店员服务态度非常之好，而我哋都系叫咗一路叫开嘅牛丸，牛筋粗面同埋墨鱼丸牛筋粗面，𠮶日嘅有菜有生菜芥兰同埋菜心，我哋拣咗菜心，另外冻柠茶两杯大约等咗五至6分钟，外卖已经准备好，包装非常唔错，唔会左摇右摆。返到屋企全部嘢食都系热辣辣嘅，丸类非常弹牙，以牛筋亦都淋滑适中，汤底亦都恰到好处，果然系识咗咁多年水准都有keep到！ 推介埋各位识佢哋嘅云吞，虽然今次冇嗌，但系之前食过都系水准之作！great !! 食完之后饮番杯冻柠茶，消暑解渴，人生一大快事也。