LAB10 (裝修中)

Lab10-入实验室食韩牛每次行过朗豪坊都俾哩间餐厅既装修吸引咗，企系门口望咗好耐，终于鼓起勇气入去开餐。Lab10有别于其他韩烧餐厅，唔会劲臭油烟味，细问之下，抽风设备原来安装系烧烤炉两边，令到抽风效果加强。🐻精选和牛拼盘$360厚切牛舌同个名一样真系厚切，超级爽口。首尔牛肋条牛味劲浓，烧熟牛脂香味更重。牛小排牛质好柔软，入口即溶。牛后腹肉同牛小排雪花分布平均，附送生菜一盘，可以夹埋烧肉一齐食，加埋韩式辣酱，减低油腻之余又正。🐻韩式海鲜葱饼$65葱饼内软外脆，特别系边位脆卜卜，粉浆唔厚好足料，基本上每一块都有一只虾，同埋大量泡菜同葱，点埋佢地个酱简直一流。🐻豆腐泡菜汤$78用上石锅装汤摆到上枱仲keep住滚，对于唔系好食得辣既我，个汤底都几辣，除咗豆腐同汤菜外，仲有劲多材料，蚬、脆玉瓜、虾仔同鸡蛋，口感好丰富。🐻脆香芝士炸鸡$68炸鸡粉酱唔厚，肉质非常嫩，但芝士量不足，做唔到我期望既拉丝效果，好彩附送一碟芝士酱补救返。