麻辣派對 (瑞生酒店) (已結業)

麻辣派对虽然唔系第一次食，但系之前只系食川式小菜,不过因为男朋友最近迷上食酸菜鱼。经朋友介绍话依到嘅酸菜鱼几有水准,所以一于带男朋友嚟试吓。黎到果然见到几乎每台都order酸菜鱼或者水煮鱼。呢度有几款鱼可以选择,经店员介绍之后我选择左江团鱼,肉质鲜嫩之外亦都比较少骨。除咗有大量酸菜之外,底部仲有大量薯粉。金牌酸辣水晶粉上枱𠮶阵时真系吓亲,因为冇谂过咁大碗。酶同辣嘅味道啱啱好,得而平衡。面头仲有大量嘅肉碎同花生。山城回锅肉够晒镬气,肉片嘅份量都几多,我选择咗中辣,于我来讲辣度啱啱好,好惹味。