八哥主題餐廳 (已結業)

约咗个好耐冇见既朋友，揾咗几间比佢决定，就决定咗呢间。原本订咗7:30, 但唔知乜嘢问题，系未够7:20就收到通知话取消咗张枱，即刻打电话去确认，好彩仲有枱。去到行完楼梯上去之后先知有电梯既, 希望大家唔好好似我咁傻啦。我同朋友都唔系大食之人，叫咗个墨鱼面，沙律同两杯嘢饮，之后继续坐系到吹水，但又想揾d嘢咬，就叫咗薯条同墨鱼咀，虽然都系炸嘢，但送酒真系唔错既选择。我最钟意系佢个啤酒，因为系出面未见过，而且果香又唔会令啤酒怪怪咁。