牛極 (雅怡居)

营业中

休息中

牛极都唔系第一次食㗎喇，皆因系呢度食牛扒性价比真系好高，今次我点咗牛柳，佢系成个铁板上嘅，你钟意食几成熟都得！先讲头盘同主食，都系自助形式你钟意食几多就食几多，我好欣赏佢个牛肉汤，牛肉味好重，汤渣仲有好多蔬菜同牛肉，我自己饮咗两碗！沙律都好唔错，非常清新解腻！好啦，讲吓个主菜牛柳，呢个部位系比较细嫩，我自己就钟意食medium rare (大约三成熟左右），基本上一上枱就食得，食落去真系好滑，有牛肉味，呢个部位就算煮熟少少都唔会太老。仲有呢度嘅酱汁都系任你拣，我比较钟意佢个烧汁，同牛扒非常之夹！