小曼谷泰國美食站

营业中

休息中

近排天气闷热，唔想谂食乜，人多食lunch想share的话，除咗饮茶仲会拣泰国嘢。公司附近有小曼谷，lunch 价钱亲民，二话不说就拣佢。原只菠萝海鲜炒饭 $198 ✨推荐菜式✨ 原只菠萝上枱嘅海鲜炒饭，外貌协会单系睇样已经心心眼。每啖饭都粒粒分明，而且炒得好平均，甜甜酸酸嘅菠萝味，好开胃。海鲜有虾，鱿鱼，带子，全部都好新鲜好好味。泰式鲜虾粉金边粉 $138金边粉基本上必点，面质幼身但有口感唔会太淋，味道又唔会过酸。份量劲大，有同事share就好开心。小曼谷炒米粉 $138同事想食炒米粉， 初初以为会好似星洲炒米，但食落系两回事。材料有蟹柳，札肉，猪颈肉，虾。米粉带著少少咖喱味，唔会过浓味或辣。泰皇咖喱法包软壳蟹 $268法包配咖喱，已经冇得输。咖喱汁包住啲软壳蟹，一啖放入口，软壳蟹吸收晒咖喱，然后蟹嘅鲜味被咖喱包著。啲汁多到想食多碗饭。泰式铁板蚝饼 $188蚝都大大粒，又炸得好酥脆，啖啖都系蚝。钟意好玩嘅朋友值得试吓。明炉香柠汁蒸桂花鱼 $278一大班朋友真系好想食条鱼，加咗香柠汁，酸酸甜甜即刻令到桂花鱼多咗个层次。明炉一直有火庆住条鱼，令到条鱼一直keep到温度，热辣辣好好味。