阿麥廚房 (已結業)

收工之后系铜锣湾附近行街，未试过阿麦厨房，就来试下。叫左2个set:-千层蟹肉牛油果伴鲜海胆（$58） - 鲜甜的蟹肉配上牛油果🥑，仲食到海胆个味道，好味。大虾占米多（$58） - Served with 虎虾壳，虎虾壳内有虎虾肉，伴随菇同洋葱，再加上忌廉汁，虾肉爽口新鲜，2样appetisers都好出色。食完appetisers后就有龙虾汤（$48）- 龙虾汤好香，好浓味，但因为味道太浓的关系对我来讲有少少咸。带子粟米忌廉汤（$48）- 相比起龙虾汤更喜欢呢个粟米汤，因为好多粟米同忌廉味好重。 西班牙海鲜炖饭（$238） - 海鲜饭有大虾，青口，鱿鱼，都有成6只大虾好足料。本来以为系西班牙炒饭d饭会硬少少，但原来呢个餐系西班牙炖饭，个饭就煮得软硬度适中，同埋好入味，味道不错。德国烧咸猪手 （$268）- 皮脆肉嫩，食猪皮好似食紧薯片咁，而猪手的肉又肥瘦适中，唔会太瘦。薯条系岩岩炸起，好脆。呢间餐厅环境清幽，而且食物都好好食，可以下次同朋友庆祝生日是再来。