Magic Touch (大鴻輝(荃灣)中心) (已結業)

前排系楼上饮茶时见佢标榜住高速线即将开业，作为元气长期捧场客点都要新屎坑试下。由于呢类型寿司店都会好受小朋友欢迎，都怕好多人排队，点知望落都有十数个吉位。点餐同元气一样用平板完成，再由前面嘅火车送到你前面。而绿茶方面就采用茶包，不过茶味清淡左d而碗筷就系抬头望上方自助形式领取，都算几方便。款式方面其实比元气为多，试下味道先-优惠价钱30蚊两件珍宝带子，算新鲜，都清甜嘅。另外鲜虾双拼，三文鱼，迷你三文鱼反卷，炸软壳蟹都是不错的。赤贝望落好大件，比平时食开嘅大1.5倍，不过就唔推介喇。另外暂不推介嘅有一贯嘅火炙特长星鳗同剑鱼腩。而全日最好食嘅，反而系食完200蚊送嘅炸虾卷。希望magic touch可以系食物品质方面，宣传方面同埋服务培训方面做足准备，先至可以系度站得住呀。另外值得一提嘅系原来点够100蚊就可以玩平板上预设嘅游戏，如果几个朋友同行就用一部平板点菜喇。