影片
更多
2024-05-23
80 浏览
今日去咗长沙湾揾朋友仔食饭，行行下发现原来长沙湾广场上面开咗好多新食肆，我地拣咗间日式居酒屋「Mata Japanese Cuisine」，店舖虽然唔大，但食物超水准👍🏻非常正宗嘅日式风味，店员（或者系老板😆）上菜时都会介绍返每一度菜式，抵食又有惊喜🤩刺身沙律今日嘅刺身沙律系醋面豉鲷鱼沙律，鲷鱼肉质爽脆鲜甜，配以红萝卜丝同椰菜丝，清爽之余口感非常丰富，酱汁味道带甜口再洒上白芝麻更加香口，啱晒夏天食嘅菜式😋味噌煮牛舌必食推介👍🏻牛舌以慢煮形式去烹调，令肉质更加松化软腍，入口已化开嘅感觉，一碟约有6-7片，厚身又大大片份量十足😋每一片都裹满浓郁嘅味噌酱汁同京葱丝，最适合送酒🍶烧油甘鱼鲛一上枱时已经非常吸引，大件又厚肉，色泽光亮唔干身，咬落去鱼皮香口脆卜卜，入面嘅鱼肉依然保持嫩滑鲜味，可见师傅嘅烹调功架十分出色腐乳松阪猪串必点👍🏻👍🏻👍🏻店家嘅串烧亦都十分高质，我地嗌咗较为有特色嘅腐乳松阪猪串烧，以中式嘅腐乳酱配上日式嘅猪肉令肉嘅鲜味更加提升，松阪猪肥瘦适中，咬落去充满肉汁，咸香嘅味道令人回味无穷蕨饼店员介绍我地试咗佢地自家制嘅甜品-日本蕨饼，一碟有两款口味，分别洒上抹茶粉同黄豆粉再配上黑糖
刺身沙律
今日嘅刺身沙律系醋面豉鲷鱼沙律，鲷鱼肉质爽脆鲜甜，配以红萝卜丝同椰菜丝，清爽之余口感非常丰富，酱汁味道带甜口再洒上白芝麻更加香口，啱晒夏天食嘅菜式😋
味噌煮牛舌
必食推介👍🏻牛舌以慢煮形式去烹调，令肉质更加松化软腍，入口已化开嘅感觉，一碟约有6-7片，厚身又大大片份量十足😋每一片都裹满浓郁嘅味噌酱汁同京葱丝，最适合送酒🍶
烧油甘鱼鲛
一上枱时已经非常吸引，大件又厚肉，色泽光亮唔干身，咬落去鱼皮香口脆卜卜，入面嘅鱼肉依然保持嫩滑鲜味，可见师傅嘅烹调功架十分出色
腐乳松阪猪串
必点👍🏻👍🏻👍🏻店家嘅串烧亦都十分高质，我地嗌咗较为有特色嘅腐乳松阪猪串烧，以中式嘅腐乳酱配上日式嘅猪肉令肉嘅鲜味更加提升，松阪猪肥瘦适中，咬落去充满肉汁，咸香嘅味道令人回味无穷
蕨饼
店员介绍我地试咗佢地自家制嘅甜品-日本蕨饼，一碟有两款口味，分别洒上抹茶粉同黄豆粉再配上黑糖酱，甜而不腻，入口清爽烟烟韧韧多重口感味道，夏天必食嘅甜品
花生酥
店员送上自家制嘅花生酥，口感松化充满香浓嘅花生味，入口即溶唔会黏口，甜度亦啱啱好👍🏻
Cocktail
黎到居酒屋又点少得饮返杯呢🍶我拣咗「赤」以清酒为主嘅果味酒，入口酸酸甜甜，酒味亦唔会太浓，女仔饮绝对啱🤭
📍Mata Japanese Cuisine (荔枝角)
荔枝角长沙湾道833号长沙湾广场3楼308号舖
人均消费：$250-300
食物：⭐️⭐️⭐️⭐️⭐️
环境：⭐️⭐️⭐️⭐️
服务：⭐️⭐️⭐️⭐️⭐️
回头率：⭐️⭐️⭐️⭐️⭐️
张贴
