Mimila (已結業)

Mimila-马来飘香Blue Monday 就系要去食返d好野奖励自己，系沙田新城市广场血拼完，就同好姐妹上咗7楼食马来西亚野。🐻马来辣虾面$88五大只虾放系面，虾清理得好干净，入口非常之爽，再黎试一啖汤底，有香浓虾味，绝对系真材实料，而面底我就拣咗掺掺，即系米粉沟油面。🐻咖哩喇沙汤配手撕鸡掺掺$88好香喇沙椰香，汤底辣味十足，豆腐卜索晒d咖哩喇沙汤味，手撕鸡份量都几多，但一d都唔嚡口，食完个人仲暖粒粒。🐻猫山王芝士蛋糕$58对于钟意食榴梿既朋友，一定唔可以错过。猫山王味道浓郁，饼底又唔会太硬，平实既外表，但内𥚃一d都唔简单。🐻自家制柠檬薏米水（冻）$32柠檬薏米水好清甜，岩晒食完咁浓味既野，解渴消腻一流。