影片
更多
2023-05-30
169 浏览
假日想食点心，就乱咁上OpenRice 揾食啦，咁就挖左呢间点心店出黎啦，佢位置颇接近旺角中心，地点就脚。舖面呈四方形，餐厅正向弥敦道大马路，楼底算高，舖面光猛，装修简洁。而内里枱凳摆位系茶餐厅既格局，三边卡位，中间就放四人枱，枱同枱之间既摆位尚算阔落，坐落尚算舒适。我既用餐时间系三点几，当时舖内只有四至五枱人，在楼面工作 连收钱侍应 加埋只有4位，见佢地都颇忙碌，收拾，上菜，入单，收钱，加水，个个都忙个不停，到我地点餐时，都发现有入错单既情况，不过无计啦，眼见咁少人，明显真系人手唔够，所以出完单自己对清楚就好了。好啦，到正题，今日食左5个点心 + 1个蒸饭。生炒什菌饺 - $30一笼三粒，超级热辣辣，睇到相系蒙蒙地，因为劲大蒸气。粒饺系普通正常尺寸，晶凝皮薄，但咬落软糯而有靭度，很有口感。内馅系菇丝，翠肉瓜粒，红萝卜丝，粟米，食材有调味同先炒香，咬开就爆香及有镬气，馅料的确如名一样，有生炒过至包饺，所以一咬开内馅，蔬菜菇粒粟米既香甜完全散发出晒离，而且，内馅系烹到刚刚好，咬落仲有颗粒感，唔会过熟而成一擗野同淋吱吱，好好味。蒜香虾春卷 - $38一碟有4件，每件春卷约男士手指头既粗幼度
我既用餐时间系三点几，当时舖内只有四至五枱人，在楼面工作 连收钱侍应 加埋只有4位，见佢地都颇忙碌，收拾，上菜，入单，收钱，加水，个个都忙个不停，到我地点餐时，都发现有入错单既情况，不过无计啦，眼见咁少人，明显真系人手唔够，所以出完单自己对清楚就好了。
好啦，到正题，今日食左5个点心 + 1个蒸饭。
生炒什菌饺 - $30
一笼三粒，超级热辣辣，睇到相系蒙蒙地，因为劲大蒸气。粒饺系普通正常尺寸，晶凝皮薄，但咬落软糯而有靭度，很有口感。内馅系菇丝，翠肉瓜粒，红萝卜丝，粟米，食材有调味同先炒香，咬开就爆香及有镬气，馅料的确如名一样，有生炒过至包饺，所以一咬开内馅，蔬菜菇粒粟米既香甜完全散发出晒离，而且，内馅系烹到刚刚好，咬落仲有颗粒感，唔会过熟而成一擗野同淋吱吱，好好味。
生炒杂菌饺
$30
17 浏览
0 赞好
0 留言
蒜香虾春卷 - $38
一碟有4件，每件春卷约男士手指头既粗幼度，个脆皮系薄薄既一层，咬落超级酥脆，脆皮真系100分，条春卷就算摊冻左先食，咬落都超级干爽同埋酥脆！ 每件春卷都包著约三粒小虾仁，虾仁系原粒包，虾肉鲜香弹牙，混盒少许萝卜丝同埋椰菜丝，咬落香口弹牙伴少许蔬菜既香甜，食一旧绝不够喉。
蒜香虾春卷
$38
20 浏览
0 赞好
0 留言
百花炸酿蟹拑 - $62
一碟有3粒，尺寸同普通茶楼既牛肉球大细相约。炸蟹拑既表面被薄薄既炸面包糠层包裹，咬落表面非常之脆口，到蟹肉层就同我预想既唔太相同，去饮食既蟹拑好多都打到起晒胶，无乜肉纤维感，但呢个蟹钳肉食落带少许粒感纤维感，佢既肉无打到起晒胶，但反而食到虾肉既弹牙感，食落虾蟹味颇香浓，虾味就重一咬落非常多汁，好好味。呢个价位，有三大粒，真系又抵食又有质素。
百花炸酿蟹拑
$62
8 浏览
0 赞好
0 留言
黑松露北菇烧卖皇 - $20
一笼2粒，虽之叫烧卖皇，本来以为好大粒，但原来得5蚊银尺寸一粒。小烧卖由冬菇，虾仁，肥猪肉，松露酱组成。上枱时系热辣辣，一口咬落，丰富多汁既肉味混合虾仁既鲜香味在舌头大爆发。软淋既猪肉，弹牙既虾仁，多汁香浓既冬菇，加埋超香既松露酱香味，真系好难唔好味, 只系如果大粒d就更合乎祈望啦。
黑松露北菇烧卖皇
$20
12 浏览
0 赞好
0 留言
雪山叉烧包 - $35
一碟有三个包仔，佢其实系最先上枱，上枱时热辣辣，但因为我唔想第一口就食甜野，所以将佢放到最后先食，因此，我食呢个包时，佢系微温既。 虽之系微温，但完全无变味！
一口咬落去，表层依然松化带脆感，整个面包干爽，面包层咬落软熟。整个包身都好干身不油腻，中间馅料份量适中，叉烧酱同叉烧既味道非常浓沃香甜，非常惹味，只要一开始咬第一口就停唔到口，相信热辣辣时食 会更好食。
雪山叉烧包
$35
12 浏览
0 赞好
0 留言
凤爪排骨饭 - $38
凤爪软淋食落味道香浓，排骨系偏肥既，瘦肉部份唔多。整个饭系用一个男士手掌大既钵仔蒸既，饭粒蒸到干身，粒粒分明，食落偏硬，因排骨偏肥，蒸后既油份肉汁都落晒d饭度，所以d饭就充满肉香，加上甜豉油调味，所以个饭系好食既。
凤爪排骨饭
$38
9 浏览
0 赞好
0 留言
整体讲，点心水准算高，无论系蒸炸焗既点心都好食，所有点心都做到热辣辣上枱，上枱速度都ok，一样接一样上，亦无乜等候时间，仔细睇下点餐单，点心款数都颇多多，此外仲有镬气小炒食，所以我对呢间点心店既整体评价都颇正面，所以下次都会翻转头试下其他野食。
张贴
