PizzaExpress (將軍澳中心)

营业中

休息中

今晚妈妈冇煮饭，于是就叫外卖。行过见到pizza express 出左xmas menu, 就突然想食pizza ,一于就买反屋企一路煲剧一路食啦。心大心细拣左好耐，最后叫左4样野4个人share，当中包一个甜品。1) 意式龙虾海鲜汤粗管通粉 一开盖就闻到浓浓的海鲜同龙虾嘅味道，配料都比得好足，除左有主角龙虾外，仲有青口，芹菜，洋葱 同罗勒，配上质地煮得岩岩好既通粉，好味。2）蕃茄香草烤鸡焗糙米饭一打开已经有好香嘅香草味， 配合埋蕃茄嘅酸酸甜甜，好开胃。烤鸡烤得恰到好处，唔会太干，仲保留有肉汁。少少鸡油加埋番茄汁，渗入去糙米饭， 令到糙米饭都十分香， 而糙米饭亦很健康，整体配搭不错。3）牛肝菌西班牙肠薄饼 pizza一打开好吸引， 上面铺满咗西班牙肠， 牛肝菌都好多， 菌味扑鼻而来。 西班牙肠的烟韧同牛肝菌的爽口，互相都增加咗薄饼嘅口感，一咬落去，薄薄的饼底， 松脆可口，值得一赞。4）cheese cake 口感柔软，入口香滑配上生果，增加口感，另外芝士味亦很浓郁。 要赞一赞个包装，蛋糕没有移位。